DERECHO MESTER TA AKSESIBEL PA TUR HENDE.

LIF Legal ta un konsultorio hurídiko independiente ku a wòrdu fundá na Kòrsou dor di e hurista Limar Francisca. Limar ta kere firmamente, den kuadro di derecho di igualdat i hustisia sosial i humano, ku asesoria hurídiko mester ta un nesesidat pa komunidat i no un luho. Tur hende mester por kompronde nan posishon legal i tin akseso igual i hustu na asesoria hurídiko profeshonal. Pa e motibu ei Limar a komprometé su mes pa sigurá e estado di derecho sosial i humano na Kòrsou, yuda suidadano nan buska nan derecho nan i buta e poder di lei traha pa e komunidat den su totalidat dor di hasi asesoria hurídiko aksesibel i pagabel. Esaki ta duna LIF Legal un identidad humano i diferente. 

LIF Legal ta ofrese konsulta i asesoria hurídiko ku e intenshon pa solushona mas tantu kaso posibel pafo di korte di Hustisia. Bai korte mester ta nesesario i e último solushon.